ओली, देउवा र प्रचण्डबीच संवैधानिक मुद्दामा महत्वपूर्ण छलफल

763

प्रधानमन्त्री केपी शर्मा ओली, नेपाली काँग्रेसका सभापति शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच बिहीबार बालुवाटारमा भेटवार्ता भएको छ। प्रधानमन्त्रीको सरकारी निवासमा भएको यस भेटघाटमा नेताहरुले समसामयिक राजनीतिक मुद्दाहरूमा छलफल गरेका थिए।

प्रधानमन्त्री ओलीले पूर्वप्रधानमन्त्री शेरबहादुर देउवालाई जन्मदिनको शुभकामना दिने अवसर पाएको जनाउँदै आफ्नो आधिकारिक फेसबुक पेजमा लेखेका छन्, “आज मेरा मित्र एवं पूर्वप्रधानमन्त्री शेरबहादुर देउवालाई जन्मदिनको शुभकामना व्यक्त गर्दछु। हामीले विभिन्न राजनीतिक विषयमा पनि छलफल गर्यौं।”

दाहालको सचिवालयले पनि बैठकमा संवैधानिक परिषद् बैठकलगायत अन्य राजनीतिक मुद्दाहरूमा छलफल भएको पुष्टि गरेको छ। बैठकमा दाहालले संवैधानिक निकायमा रिक्त रहेका सबै पदहरू भोलिसम्म सिफारिस गरिसक्ने आश्वासन दिएका छन्। यदि समयमै सिफारिस गर्न नसकिएमा, नयाँ सहमति बनाएर पदपूर्ति प्रक्रिया अघि बढाउनुपर्ने उनले बताए।

संवैधानिक परिषद्ले संवैधानिक निकायका प्रमुख, सदस्य तथा प्रधानन्यायाधीशको लागि सिफारिस गर्ने जिम्मेवारी वहन गर्दछ। सिफारिस भएका व्यक्तिहरूको नाम संसदीय सुनुवाइ समितिमा पठाइन्छ र अनुमोदनपछि राष्ट्रपतिबाट मनोनयन गरिन्छ।